Чалавек шматпавярховы

Чэслаў Мілаш — адзін з найвыдатнейшых паэтаў і эсэістаў XX стагоддзя, лаўрэат Нобелеўскай прэміі па літаратуры 1980 года. Яго творчасць і біяграфія цесна звязаны з гісторыяй Цэнтральнай і Усходняй Еўропы, у тым ліку з Беларуссю.



У зборнік “Чалавек шматпавярховы” ўвайшлі выбраныя вершы ўсіх пэрыядаў творчасці аўтара. Шмат якія беларускія пераклады публікуюцца ўпершыню.



Паэзія Чэслава Мілаша інтэлектуальная, а катастрафізм вершаў міжваеннага часу сёння, праз стагоддзе, прымерваеш да сябе. Але, хутчэй, гэта самаіронія дала яму моц пражыць амаль стагоддзе, менавіта гэтае стагоддзе.